DC Ndile aongea na wananchi wa Kata ya Matumbi

Posted on: June 3rd, 2023

MKUU wa Wilaya ya Songea Wilman Ndile ameongea na kujitambulisha kwa wananchi wa kijiji cha Ifinga kata ya Matumbi tangu alipoteuliwa na Rais Samia kuwa Mkuu wa Wilaya.

Kata ya Matumbi ipo takribani kilomita 68 kutoka makao makuu ya Halmashauri na katika ziara hiyo Mkuu wa Wilaya ametembelea Shule ya Sekondari Ifinga ambayo inawanafunzi 77 kuanzia kidato cha kwanza hadi kidato cha nne na walimu 8.

Hivyo Mkuu wa Wilaya ametoa rai kwa wananchi wa Kata hiyo kujenga Hosteli ili kuhakikisha wanafunzi kutoka sehemu mbalimbali wasome katika Shule hiyo.

“Mimi kama Mkuu wa Wilaya Shule hiyo haiwezi kuwa na tija Mwl.  Nyerere toka mwanzo alifikilia kujenga utaifa na uzalendo katika nchi hii alitengeneza mikakati mbalimbali Mwanafunzi aliyezalwa Mbinga ataenda kusoma Monduli lengo ilikuwa kuchanganya watoto wa tamaduni mbalimbali”.

Hivyo Mkuu wa Wilaya amesema siyo vema mtoto anaanza chekeckea mpaka anafika kidato cha nne anasoma katika kijiji cha ifinga bila kuonana na wanafunzi wengine kutoka maeneo mengingi.

“Naona siyo vema lazima tubadilike tuipanue shule ili kuleta wanafunzi kutoka maeneo mengine hata kwa kuanza mkondo mmoja ili wale 77 wa hapa wachanganyike na wengine  kutoka sehemu mbalimbali ndani ya Wilaya ya Songea anagalau wafike 500 au 400”.

Hata hivyo amemwagiza katibu Tawala wa Wilaya ya Songea kutoa maelekezo kwa Halamshauri  ili jambo hilo liwekwe kwenye mipango yao na  kuhakikisha mpango huo unakamilika ifikapo Januari 2024.

Imeandaliwa na Aneth Ndonde                                                                                               

Kutoka Kitengo cha Mawasiliano Halamshauri ya Madaba

Juni 3,2023.