DC Ndile akazia kilimo cha Mboga mboga na Matunda Mashuleni

Posted on: February 5th, 2024

MKUU wa Wilaya ya Songea Kapenjama Ndile amewaagiza watendaji Kata kutoa Elimu katika siku maalumu za Lishe kwa kubadilishana Kata ili kutilia mkazo katika Jamii suala la Lishe.

Akizungumza katika kikao cha tathimini ya Lishe kilichofanyika Halmashauri ya Wilaya ya Madaba amesema uzolotaji katika elimu ya kujitegemea Mashuleni zipo nyuma.

“Naelekeza ili kuboresha lishe kwa watoto wetu kuanzia chekechea hadi Sekondari Elimu ya Kujitegemea ipewe kipaumbele lazima bustani za shule ziimarishwe”.

Ndile amesema kwa asilimia kubwa Halmashauri imefanikiwa zoezi la wanafunzi kula Shuleni lakini siyo kwa kiwango cha kula chakula bora hivyo amesema kila shule ihakikishe inalima mboga mboga katika maeneo ya Shule ili iweze kusaidia watoto.

“Mboga za majani na matunda zikikosekana katika Mwili wa binadamu kwa upande wa lishe tutakuwa hatujapiga hatua, watoto hawawezi kufauru mitihani kama wanaudumavu”.

Kutoka Kitengo cha Mawasiliano Halmashauri ya Madaba

Februari 5,2024.