CHATANDA alaani vikali ukatili wa kijinsia kwa Watoto

Posted on: July 7th, 2023

MWENYEKITI wa Umoja wa Wanawake Tanzania  (UWT)   Mary Chatanda amefanya ziara yake  Wilaya ya Songea katika Jimbo la Madaba na kulaani vikali Ukatili wa Kijinsia unaofanyika kwa watoto.

Hayo amezungumza alipowasili katika Jimbo Hilo na kuwaomba wazazi kuacha ukali na kuwa karibu na watoto wao ili inapotokea mtoto kafanyiwa Ukatili wa Kijinsia aweze kuwaeleza wazazi wake bila kuogopa.

“Niwaombe akina baba na akina mama tukae chini na watoto jambo hili la ukatili,tujitahidi kuwa  karibu nao  mtoto akifanyiwa ukatili  hata sema”

Chatanda amesema jambo la ukatili ni jambo baya linalosababisha ukatili wa kijinsia kwa watoto wadogo linalosababishwa na wababa.

“Sisi akina mama tunapita kupiga kelele tuwaambie jambo hili ni baya akina mama pingeni vikali ukatili wa kijinsia jambo hili ambalo linaharibu watoto “.

Kutoka Kitengo cha Mawasiliano Serikalini Halmashauri ya Madaba

Julai,7,2023