Benki ya NMB yaanzisha mikopo ya Elimu na ujenzi wa nyumba

Posted on: July 3rd, 2024

Benki ya NMB imeanzisha huduma ya  Mikopo ya Elimu na Ujenzi wa nyumba kwa mwaka mmoja hadi miaka 25 kwa kila Mtanzania.

Afisa Mahusiano  wa benki ya NMB Madaba Happy Mbelle amesema mkopo wa ujenzi wa nyumba unapatikana  kwa riba ya asilimia 14 kwa mwaka mmoja hadi miaka 15 na mkopo wa miaka 16 hadi 25 kwa riba ya asilimia 16.

“Inakuwa ni rahisi kwa sababu wewe ni mtumishi taarifa zako zinakusaidia kwaajili ya kupata mkopo “.

Hata hivyo amesema mkopo huo unapatikana kwa elimu ya juu ,msingi,sekondari  na ufundi kwa kiwango cha hadi shilingi milioni 10 mda wa mkopo kuanzia Mwaka mmoja.

“Mkopaji anaweza kuchukua mkopo kwaajili ya elimu ya muombaji binafsi na wategemezi kama watoto,mwenza,na ndugu anaowalea”.

Naye Meneje wa NMB Kanda ya kusini Vivian Nkhangaa amesema pia kuna  huduma ya Nuru yangu inayohusu kudhamini wanafunzi wanaomaliza kidato cha sita wanaotoka katika familia duni.

Kutoka Kitengo cha Mawasiliano Halmashauri ya Wilaya ya Madaba 

Julai 2,2024.