BARABARA za Kata ya Lituta Halmashauri ya Madaba kuwekwa changalawe

Posted on: November 21st, 2022

MWENYEKITI wa Halmashauri ya Madaba Theophanes Mlelwa amefanya mkutano na wananchi wa Kata ya Lituta kwa lengo la kusikiliza kero zao na kuhakikisha zinatatuliwa.

Akizungumza katika Mkutano huo Mwenyekiti ameelezea namna ambavyo Serikali ya awamu ya sita inavyotatua changamoto hizo kwa kuhakikisha Madaba inakuwa na Barabara,Maji , upatikanaji wa Mbolea za Ruzuku  pamoja na huduma zingine nyingi kwa wananchi hao.

“Seikali ya Rais Samia pamoja na Mbunge wetu  Joseph Mhangama wanatupenda madaba wamehakikisha kila mtaa barabara zimechongwa na kutoka Halmashauri mpaka Hospitali ya Wilaya itatengenezwa kwa kiwango cha lami”.

Meneja wa TARURA Wilaya ya Songea John Masatu akizungumza katika mkutano huo amesema Serikali ya awamu ya Sita imejikita kuboresha mji wa Madaba hasa kata ya Lituta kwa upande wa miundombinu.

Amesema mwaka wa fedha uliopita 2021/2022  kwa kushirikiana na uongozi wa Halmashauri walijikita kufungua Barabara zote za Kata ya Lituta.

Masatu ameeleza changamoto zilizojitokeza katika ufunguzi wa Barabara hizo ikiwemo katika ujenzi wa Madaraja na Makaravati lakini yamekamilika na zimeanza kutumika.

“Serikali inampango maalumu Barabara zote zilizokuwa zinasumbu katika kipindi cha masika  zinawekewa   kifusi cha changalawe”.

Imeandaliwa na Aneth Ndonde

Kutoka Kitengo Cha Mawasiliano Serikalini  Ofisi ya Mkurugenzi Halmashauri ya Madaba

Novemba 20,2022.