BAJETI ya Halmashauri ya Madaba ilivyolenga vipaumbele katika Maendeleo

Posted on: March 12th, 2021

HALMASHAURI ya Madaba imepanga  kukusanya na kutumia zaidi ya shilingi bilioni 12 kwaajili ya Maendeleo mwaka 2021-2022.

Akitoa taarifa ya mafanikio ya mwaka 2019-2020 Mkurugenzi Mtendaji wa Halmashauri hiyo Shafi Kassim Mpenda amesema imetokana na usimamizi na elimu inayotolewa kwa watu wanaolipa ushuru na kodi mbalimbali.

Mpenda amesema usimamizi wa fedha umeendelea kuimalika kutokana na mifumo inayoongoza na ufanyanyaji kazi wa mfumo wa udhibiti wa fedha EPICA ambao unaongoza uwazi na uwajibikaji katika mchakato mzima wa malipo.

Aidha Mpenda amesema Halmashauri kufikia sasa imeanza kutoa asilimia 10  ambayo ni matakwa ya kisheria kuhakikisha kwamba wanatimiza wajibu uliopangwa,ni mafanikio ambayo yamepatikana  kwa asilimia 91 ya kadilio la milioni 74 kwa mwaka.

Amesema katika uandaaji wa bajeti wa mwaka 2021-2022  amesema Halmashauri imezingatia miongozo na maelekezo mbalimbali ya Serikali ikiwemo ukusanyaji wa mapato  na utendaji wa Rasilimali fedha mpango  wa maendeleo ya Taifa wa miaka mitano 2021 mpaka 2025 mpango huo unazingatia vipaumbele vya kisekta kama vile Fedha,Elimu,Mifugo,uvuvi,Afya, uthibibiti wa maji taka,Utalii na Viwanda.

“Halmashauri imezingatia katka uandaji wa bajeti 2021-2022  Ilani ya Chama cha Mapinduzi ya uchaguzi mkuu 2020 hotuba ya Mh.Rais  wa Tanzania na hotuba ya Waziri Mkuu  na ziara yake ya tarehe 4 mpaka 7  Januari Mkoani Ruvuma kuzingatia maswala mtambuka kama Magonjwa ya Ukimwi,Maafa,Mazingira na Rushwa,mkakati wa kukuza uchumi na kupunguza umaskini  pamoja na maelekezo mbalimbali yanayotolewa na viongozi wa Mkoa na Taifa”.

Mwenyekiti wa Halmashauri Teofanes Mlelwa wakati akifunga kikao hicho amewataka wataalamu wa Halmashauri hiyo  kuzingatia na kufanya kazi aliyoajiliwa bila kuingilia kazi ya mwingine.

“Waheshimiwa Madiwani mkafanye kazi kwa bidii pamoja na kuwasikiliza wananchi na kutatua kero zao,Bajeti mmeipitisha zaidi tunahitaji ushirikiano katika utendaji”.

Imeandaliwa na Aneth Ndonde

Afisa habari Halmashauri ya Madaba

Machi 12,2021.