ZAIDI ya shilingi laki sita zatumika kwa wanafunzi wenye mahitaji maalumu

Posted on: March 6th, 2023

Katika kuadhimisha siku ya wanawake Duniani wanawake katika ofisi ya Mkurugenzi Halmashauri ya Madaba wametembelea watoto wenye mahitaji maalumu Shule ya Msingi Mtyangimbole.

 Katika zoezi hilo lililofanyika Machi 6,2023 wanawake hao wakishirikiana na Taasisi ya TFS Wino wametoa   zawadi zenye thamani ya shilingi 691,000/=kwa  wanafunzi wenye Mahitaji Maalumu waliopo katika Shule hiyo.

Afisa Elimu Maalumu wa Halmashauri hiyo Teddy Sanga amesema zoezi hilo  TSF Wino wametoa vifaa vyenye thamani ya shilingi laki 500,000/= na wanawake kutoka ofisi ya Mkurugenzi wametoa shilingi laki 191,000/=.

Pamoja na zoezi hilo la kutoa mahitaji kwa wanafunzi wenye mahitaji maalumu pia wamepanda miti katika eneo la Shule ikiwa ni kampeni ya utunzaji wa Mazingira.

Kutoka Kitengo cha Mawasiliano Serikalini Ofisi ya Mkurugenzi Halmashauri ya Madaba

Machi 6,2023