ZAIDI ya shilingi bilioni tano yatekeleza miradi Kata ya Gumbiro

Posted on: July 24th, 2024

KATA ya Gumbiro Halmashauri ya Wilaya ya Madaba kuanzia mwaka 2021 hadi 2024 imepata fedha ya utekelezaji wa miradi zaidi ya shilingi bilioni tano.

Hayo amesema Mbunge wa Jimbo la Madaba Mhe.Joseph Mhagama katika ziara yake katika Kata hiyo ya kukagua miradi mbalimbali.

“Mpaka leo ninavyozungumza shilingi Bilioni 5,719,000/= zimetekeleza miradi Kata ya Gumbiro kutafuta fedha kama hizi kunahusisha ridhaa ya Rais na Mbunge pia Diwani wetu na hizi fedha tungepeleka katika kitu kimoja tungejenga vituo vya afya 11”.

Mhagama amempongeza Rais wa Jamhuri ya Muungano wa Tanzania kwa kuwaheshimisha wana Gumbiro kwa kupata maji,umeme,barabara na madaraja ambayo yanawawezesha wananchi kuelekea mashambani.

Imeandaliwa na Aneth Ndonde

Kutoka kitengo cha Mawasiliano Halmashauri ya Wilaya ya Madaba

Julai 24,2024.