WANANCHI wa Kijiji cha Mbangamawe Madaba wamshukuru Ras Samia kwa kuwaletea Umeme,Maji na Zahanati

Posted on: June 7th, 2023

Wananchi wa Kijiji cha Mabangamawe Kata ya Gumbiro Halamshauri ya Madaba wamemshukuru  Rais Samia kwa Kuwaletea huduma ya Maji,Umeme pamoja na kuwajengea Zahanati.

Hayo wamesema kwa  Mkuu wa Wilaya ya Songea Wilman Ndile alipowatembelea wananchi wa kijiji hicho na kusikiliza kero zao kuwa kijiji hicho hakijawahi kupata huduma hizo kuanzia kilipoanzishwa Mwaka 1998.

Mkuu wa Wilaya amesema kuwa Serikali  inampango wa kuhakikisha  kabla ya mwaka 2025 vijiji vyote vinafikiwa na  umeme.

Ndile amesema Serikali ya Awamu ya Sita ni sikivu kwa wananchi inahakikisha kila Mtanzania anafikiwa na huduma za kijamii kwa ukaribu zaidi.

Imeandaliwa na Aneth Ndonde

Kutoka Kitengo cha Mawasiliano Halmashauri ya Madaba

Juni 6,2023.