SILINDE aridhishwa na Madarasa 17 Halmashauri ya Madaba

Posted on: December 18th, 2021

MADARASA 17 yaliyojengwa Halmashauri ya Madaba  kupitia Mradi wa Mpango wa Maendeleo kwa Ustawi wa Jamii Covid 19 yakamilika kwa asilimia 100.

Akisoma taarifa Kaimu Mkurugenzi Mtendaji Joseph Mrimi kwa Naibu Waziri wa Tamisemi David Silinde  na kuelezea faida ya kukamilika kwa Madarasa hayo.

Amesema  Halmashauri ilipokea kiasi cha shilingi  milioni 340,000,000  kwaajili ya ujenzi wa Madarasa 17 katika shule 7 za Sekondari.

Mrimi amesema mradi huo umesababisha upatikanaji wa madarasa boro ambayo yatawavutia wanafunzi kuja shule  kutokana na miundo mbinu bora,samani bora na kuondoa changamoto ya miundombinu.

‘’Tunatoa shukrani  zetu za dhati kwa Rais wa Jamhuri ya Muungano wa Tanzania kwa kutoa fedha ambapo miradi imekamilika chini ya uongozi  wake  thabiti kwa kufuata Ilani ya Uchaguzi  ya Chama cha Mapinduzi 2020-2025’’.

Mrimi ameelezea changamoto wakati wa wa utekelezaji wa Mradi huo wa Madarasa kutopatikana kirahisi kwa bidhaa za ujenzi wa viwandani,Mfumuko wa bei za  vifaa vya viwanda,kuadimika kwa baadhi ya vifaa vya viwandani kama vile bati na saluji.

Naibu Waziri wa Tamisemi David Silinde ameridhishwa na Mradi wa Madarasa 17 yaliyojengwa kupitia Mpango wa Maendeleo ya Utawi wa Taifa amesea madarasa hayo yamejengwa kwa viwango, yatawasaidia Wanafunzi kupata hamasa ya kujisomea kwa bidii na hatimaye kufikia ndoto zao.

Silinde amewapongeza Viongozi wa Mkoa akiwemo Mkuu wa Mkoa wa Ruvuma pamoja na Mkuu wa Wilaya na Watumishi wote kwa kusimamia Miradi hiyo na kuahidi kuendelea kuleta Miradi Mingine katika Halmashauri hiyo.

Imeandaliwa na Aneth Ndonde

Kutoka Ofisi ya Mkuu wa Mkoa wa Ruvuma

Desemba 17,2021