MWENYEKITI Madaba aagiza kuezeka Kituo cha Afya Ifinga Mara Moja

Posted on: September 24th, 2023

SERIKAI ya awami ya Sita inayoongozwa na Rais Samia imetoa shilingi Milioni 50 kwaajili ya umaliziaji wa ujenzi wa Kituo cha Afya Kijiji cha Ifinga Kata ya Matumbi Halmashauri ya Madaba.

Mtendaji Kata ya Matumbi Baraka Simunga akitoa taarifa kwa Mwenyekiti wa Halmashauri ya Madaba Teofanes Mlelwa alipokagua mradi huo amesema mradi  ulianzishwa kwa nguvu za wananchi kwa ufyatuzi wa tofari Mwaka 2022 Julai kwa hatua ya Msingi.

Hata hivyo Simunga amesema  Halmashauri ya Madaba walitoa Milioni 31 ya Mapato ya ndani kwaajili ya ununuzi wa vifaa vya Viwandani pamoja na malipo ya fundi  na ukamilishaji wa boma.

Amesema Wawekezaji waliowekeza katika kijiji hicho akiwemo Mufindi woodpoles Planting Timber Ltd walitoa Milioni 10 pamoja na mifuko 200 ya saluji na Shamba la Miti Wino TFS walitoa Mifuko 150 ya Saluji ambayo imetumika kupiga lipu jingo hilo.

“Tunatarajia kupokea Shilingi Milioni 23,676,000 kutoka kwa Mwekezaji Mufindi Woodpoles  planting timber Ltd kwaajili ya ununuzi wa  Mbao na bati za kuezekea Jengo hilo kabla ya Mwezi Octoba,2023”.

Mtendaji amewashukuru wawekezaji  waliowekeza katika Kijiji cha Ifinga,Serikari ya awamu ya sita na uongozi wa Halmashauri ya Wilaya ya Madaba kwa kujali miradi inayoanzishwa kupitia nguvu za wananchi na kuikamilisha.

Mwenyekiti wa Halmshauri hiyo Teofanes Mlelwa ametoa maagizo kwa uongozi wa Kijiji  kuhakikisha jengo hilo la Kituo cha Afya linaezekwa mara moja kabla ya mvua kuanza

Imeandaliwa na Aneth ndonde

Kutoka Kitengo cha Mawasiliano Halamshauri ya Madaba

Septemba 24,2023.