MIKAKATI ya Uboreshaji wa Elimu Ruvuma yaleta matokeo chanya

Posted on: September 15th, 2022

MKOA wa Ruvuma umeweka mikakati ya kuinua ubora wa Elimu  na kuongeza Taaluma Kitaifa.

Akizungumza Afisa Elimu Mkoa wa Ruvuma Hakimu Mafuru amesema Mkoa wamejipanga katika ufuatiliaji  wa utekelezaji wa Mtaala wa Elimu katika ngazi za Elimu za Halmashauri.

Amesema mikakati hiyo ni pamoja na kuhimiza na kufuatilia ufayikaji wa mitihani  ya upimaji wa mara kwa mara kwa madarasa yote,kutoa ushauri wa Halmashauri kufanya urekebishaji wa ikama  ya walimu.

Kuhimiza utoaji wa motisha kwa wanafunzi na walimu Shule na Halmashauri zinazofanya vizuri kwenye taaluma pamoja na kuhamasisha wananchi kuhusu umuhimu wa utoaji wa chakula kwa wanafunzi  wawapo Shuleni wakati wa mchana.

Afisa Elimu ameelezea changamoto katika Sekta ya Elimu  ikiwemo  wazazi kuhamia Mashamabani mbali na Shule na kuacha wanafunzi peke yao hivyo husababisha  kuwa utoro  na kuacha masomo.

Amesema baadhi ya wazazi kutochangia chakula  upungufu wa walimu hasa katika Shule za Msingi,Kutokuwa na Shule za bweni zinazokidhi mahitaji pamoja na upungufu wa miundombinu,samani na hosteli.

Imeandaliwa na Aneth Ndonde

Kutoka kitengo cha Mawasiliano  Serikalini Ofisi ya Mkuu wa Mkao wa Ruvuma

Septemba 16,2022.