MBUNGE Madaba atoa mifuko 20 ya Saruji ukarabati ofisi ya chama tawi la kifaguro

Posted on: February 2nd, 2023

MBUNGE wa Jimbo la Madaba Joseph Kizito Mhagama ametoa mifuko 20 ya saruji yenye thani ya shilingi 340,000/=  kwaajili ya ukarabati wa ofisi ya Chama cha Mapinduzi (CCM)  Tawi la Kifaguro.

Kwaniaba ya Mbunge Katibu wa Mbunge Onesmo Kobe amekabidhi kwa Mheshimiwa Diwani wa Kata ya Lituta Olaph Pili amesema ni ahadi ya Mbunge mara baada ya kutembelea ofisi hiyo Januari 2021.

Kwa upande wake Diwani Pili mara baada ya kupokea Saruji hizo na kukabidhi kwa viongozi wa Tawi amesema Ofisi hiyo imejengwa kwa nguvu za wananchi hivyo waliomba nguvu ili waweze kuikarabati

“Mheshimiwa Mbunge aliwaahidi kutoa mifuko 20 kadri ya mahitaji yenu ili muweze kumalizia ukarabati”

Pili amesema Mbunge wa Madaba akishirikiana na Rais wa Jamuhuri ya Muungano wa Tanzania wameendelea kuleta maendeleo  katika jimbo la Madaba majengo ya  Majengo ya Serikali na ofisi za Chama.