MBUNGE Madaba alivyowapa kicheko wanafunzi wa Sekondari ya Lilondo

Posted on: April 27th, 2024

MBUNGE wa Jimbo la Madaba Joseph Mhagama  ameweka umeme wa sora katika shule mpya ya Sekondari Lilondo iliyopo kata ya Wino iliyojengwa kwa shilingi Milioni 560.

Akizungumza kwa niaba ya Mbunge wa Jimbo hilo Mwenyekiti wa Halmashauri ya Madaba Teofanes Mlelwa amesema umeme huo wa sora umewekwa kwa mda ikiwa jitihada za kupeleka umeme wa TANESCOL zinafanyika kwa haraka ili kuhakikisha wanafunzi walioanza kidato cha kwanza mwaka huu 2024 wanasoma katika mazingira rafiki.

Kwa upande wake Mkuu wa Shule ya Sekondari Lilondo Subira Mapunda amemshukuru  Mbunge wa Jimbo la Madaba,Mkurugenzi Mtendaji wa Halmashauri ya Madaba , pamoja na Mwenyekiti wa Halmashauri hiyo ambaye ni Diwani wa Kata ya Wino kwa kuuunga mkono juhudi za Serikali.

“Tunawashukuru sana viongozi wetu kwa kuunga mkono juhudi za Serikali tunahaidi sora hizi tutazitunza na tunamashukuru Rais samia kwa kuendelea kutujengea miundombinu ya shule yetu “.

Kutoka Kitengo cha Mawasiliano Halmashauri ya Madaba

Aprili 26,2024.