DED Madaba awatia moyo watumishi wa Hospitali ya Wilaya

Posted on: May 24th, 2024

Mkurugenzi Mtendaji  Halmashauri ya Wilaya ya Madaba Sajidu Idrisa Mohamed amewapongeza watumishi wa Hospitali ya Wilaya kwa kuendelea kusimamia ujenzi wa hospitali uliofikia hatua ya ukamilishaji na kuendelea kutoa huduma kwa  wagonjwa.

Hayo amezungumza alipotembelea na kukagua huduma zinazoendelea kutolewa kwa wananchi katika hospitali hiyo.

“Huu ni uzalendo wa hali ya juu Mganga mfawidhi nikupongeze na watumishi wote mnafanya kazi kubwa sana cha muhimu hakikisheni miradi ambayo Mhe. Rais ametuletea inakamilika kwa wakati  na kwa ubora”.

Mohamed amesema ziara yake ni kwaajili ya kuangalia changamoto mbalimbali na kuhakikisha anazitatua mpaka pale hospitali hiyo itakavyoanza kujitegemea kuanzia mwaka wa fedha ujao 2024/2025.

“Wahudumieni wananchi kwa weledi hayo ndio Mhe. Rais anayoyataka mjitoe kwa moyo kama kiapo chenu kinavyotaka kama kuna changamoto ofisi yangu ipo wazi hakikisheni mnafuata sheria,taratibu na kanuni’.

Kutoka Kitengo cha Mawasiliano Halmashauri ya Wilaya ya Madaba

Mei 23,2024.